Ondalan Erraldoien Konpartsa Erraldoi eta Kilikien jai tradizioa eta gure kultura tradizionalaren beste adar batzuen indartzea helburua duen elkartea da.

1996. urtetik hona gure jarduera Bizkaian eman da batik bat. Egun Bizkaia Erraldoien munduan erreferentea bihurtu da.

Ekitaldi guzti hauen artean era guztietako ekitaldiak daude. Batzuk azpimarratu beharko genituzke.

Erraldoien bilkura asko antolatu ditugu. Baten bat aipatzekotan Deustuan 10. urteurrenean, Bilbon Aste Nagusietan, Erraldoiketa eta Bizkaiko hainbat herritan txandaka ospatzen den Erraldoien Eguna azpimarratuko genituzke.

Hainbat Ibilaldi, Korrika, 12 ordu euskeraz, Euskal Eskola Publikoa, Euskal Jaia eta euskararen aldeko beste ekitaldi askotan parte hartu dugu Bizkaian zehar.

Folklore tradizionalaren alde lan egitea gure helburuetako bat izanda Deustuko folklore plataformako partaide gara, Deustuan urtero erromeria batzuk antolatzen ditugularik. Dantzari eguna, Gaita eguna eta Dantza Agerketa edizio batzuetan parte hartu dugu.

Kale animaziorako talde moduan behin baino gehiagotan Lekeitioko Naziorteko Kale Antzerki Jaialdian egon gara. Kukubiltxorekin batera Mamutxak espektakulua ere prestatu dugu.

Bizkaiko Gaiteroekin batera "Oraingo doinu zaharrak" diskoaren ekoizpena bultzatu genuen.

Bizkaiko Gaiteroakekin ere eta BBKren babesarekin 1998.urtetik 2000.urtera Erraldoiak Bizkaian erakusketa bultzatu genuen.

Urtero Dossier bat argitaratzen dugu. Hau Euskal Herrian Erraldoiei buruzko argitalpen monografiko bakarra izaten jarraitzen da.

Egindako bidea luzea izan da, beraz. Egungo egoera duela 20 urte zegoenarekin alderantzerik ez badago ere, gelditzen den bidea luzea da, baldin eta gure herrietako jaietan presentzia normalizatuko bada.

Horregaitik baliabide ekonomikoak parte hartzera prest dagoen jendearen inplikazioa bezain garrantzitsua da.

Horretarako zuzenean parte hartzen dutenez gain 150 pertsona eta entidadeen bultzada dugu. Bazkide hauek urteroko kuotarekin laguntzen gaituzte.

Gure proiektuarekin egokiago ikusten duzun moduan, bat egitera animatzen zaitugu.